Sunday 30 May 2010

ဆုံမှတ်မရှိတဲ့ကောင်းကင်

အနာဂါတ်ဆိုတာလဲစမ်းတ၀ါးဝါးနဲ့ 
ပန်းတိုင်မရှိတဲ့လမ်းကို
ငါတို့ အတူလျှောက်လှမ်းခဲ့ကြတာ...

ငါသတ်မှတ်တဲ့အချစ်ဆိုတာ
ရယူပိုင်ဆိုင်ခြင်း
နင်ယူဆတဲ့အချစ်ဆိုတာ
ပေးဆပ်နားလည်ပေးခြင်း
ငါ့သီအိုရီနဲ့ 
နင့်နိယာမနှစ်ခုကြား
ငါခေါင်းစားလို့ နေတယ်။

ငါကပေါင်းစပ်ဖို့ ကိုအလေးထားတယ်
နင်ကစွန့် လွှတ်ဖို့ အသင့်ဖြစ်နေခဲ့တယ်
ငါကဆုပ်ကိုင်ထားချင်တယ်
နင်ကချစ်နေရရုံနဲ့ ကျေနပ်တယ်။

မတူညီတဲ့အယူအဆနဲ့ 
မရေရာတဲ့အနာဂါတ်အတွက်
မျဉ်းပြိုင်နှစ်ကြောင်းပေါ်
လျှောက်လှမ်းနေရသလို
ဆုံမှတ်မရှိတဲ့ကောင်းကင်ကို
မော့ကြည့်ရင်း မျှော်လင့်ချက်တွေ
ကင်းမဲ့လို့ လာတယ်.။

ကံကြမာရယ်...
ပေါင်းစပ်ခွင့်မပေးနိုင်ရင်
အစတည်းကဆုံတွေ့ ခွင့်လဲ
မပေးပါနဲ့ တော့လား...
အခုတော့
ခွဲခွါခြင်းဆိုတဲ့
မလွန်ဆန်နိုင်ပေမယ့်
တစ်နေ့ မှာရင်ဆိုင်ရမယ့်အရာတစ်ခုကို
ရင်တထိတ်ထိတ်နဲ့ စောင့်စားရင်း
ငါ့ရဲ့ မနက်ဖြန်များစွာကို
ကြောက်ရွံ့ နေတတ်ခဲ့ပြီလေ....။

Sunday 2 May 2010

မျဉ်းပြိုင်

ဘ၀ကလဲခါးသက်သက်
အချစ်တွေကလဲပေါ့ပျက်ပျက်
ရာသီဥတုကလဲအိုက်စပ်စပ်
ငါ..ဆိုတဲ့မိန်းမကလဲ ခပ်ညံ့ညံ့

မာနဆိုတဲ့အရာတစ်ခု
ခ၀ါမချနိုင်ခဲ့လို့ 
လူသူမသိတဲ့စစ်ပွဲတစ်ပွဲ
အခါခါငါနွှဲခဲ့ရတယ်...။

အစစ်တွေကိုသာတန်ဖိုးထားတဲ့ငါက
အတုတွေကိုအစစ်လိုသဘောထား
အပြုံးအတုနဲ့ ဟန်လုပ်
ငါ က ပြခဲ့ရတယ်..။

တောင်းဆိုခြင်းမဟုတ်တဲ့
အမိန့် တစ်ခုနဲ့ 
ငါ နယ်နှင်ဒဏ်ပေးခံရတယ်...။

အထာပေးတာကို
အသာအေးဆေးပါလို့ 
မသိချင်ယောင်ဆောင်နိုင်ပေမယ့်
စိုက်ကြည့်တာကိုတော့
အလိုက်သိဖို့ 
ငါ.. လိုအပ်လို့ နေတယ်...။

စေတနာကိုစေတနာလို့ မထင်
နေရာတကာအပြစ်ရှာဖို့ ကြံ
သည်းခံတာကိုအကောင်းမထင်နဲ့
ငါလဲငါ့ပညာနဲ့ 
အောက်ကျနောက်ကျတော့မခံ
စေတနာတွေလမ်းဆုံးရောက်လို့ 
ဝေဒနာအဖြစ်ပြောင်းခဲ့ရင်
အပြစ်မယူစေချင်

စေတနာကိုအရင်းပြု
ဆောက်ခဲ့တဲ့အိမ်လေး
အတင်းအဖျင်းဆိုတဲ့(လေကြမ်း)
တိုက်ခတ်ခံရလို့ ပြိုကျသွားတဲ့အခါ
အပျက်ပျက်နဲ့ နှာခေါင်းသွေးထွက်
ကပ်ဆိုက်ဖို့ လမ်းကြိုမြင်နေလို့ 
အသိအမှတ်မပြုချင်နေ
မစော်ကားမိစေဖို့ 
ငါ...နှလုံးသားအရင်းခံလို့ 
တောင်းဆိုချင်တယ်...။